Friday , March 29 2024

Ara gustong magpabuntis muli kay Mayor Patrick

040715  Ara Mina Patrick Meneses

00 SHOWBIZ ms mSIYAM na buwan nang hiwalay sina Ara Mina at Mayor Patrick Meneses pero iginiit ng aktres na maganda pa rin ang samahan nila ng ama ng kanyang anak na si Amanda Gabrielle o Mandy.

Ani Ara, “Okey kami were friends, hindi naman kami nagkagalit eh,” sambit nito nang makausap namin sa presscon ng Tasya Fantasya, ang iconic comic character na nilikha ni Carlo J. Caparas at pinagbibidahan nina Shy Carlos at Mark Neumann mula Viva Entertainment at TV5.

“Ganoon talaga ang buhay,nag-separate ways kami. Before kasi nagli- live-in kami ‘di ba? Pero umuwi na siya sa kanila. Ngayon hindi na kami magkasama pero almost every week kami nagkikita,” kuwento pa ni Ara. “Pero, I’m not closing my door (sa posibilidad na magkabalikan sila).”

Ani Ara, hindi rin niya maintindihan kung bakit nagdesisyon si Mayor Patrick na maghiwalay sila. “Wala namang third party. Wala siyang idine-date, baka nagpo-post partum siya ha! Ha!ha!. Actually hindi ko rin maintindihan kung bakit nag-decide siya (humiwalay). Pero wala naman daw siyang problema sa akin, sabi niya.

“Kasi, kung may problema sa akin hindi na kami magkikita, hindi na niya ako kakausapin, hindi kami nag-away.”

Last Christmas and New Year ay magkasama raw sila. “Ang weird ‘no? Nawi-wirduhan din ako sa status namin. Sweet naman siya sa akin. Pero wala ng romantic achuchuchu.”

Sinabi pa ni Ara na sinabihan siya ni Mayor Meneses na okey lang sakaling magpaligaw siya para sumaya siya. Subalit si Ara mismo ang ayaw dahil hindi pa raw siya handa. Mas gusto muna niyang paglaanan ng oras ang kanyang anak na isang taong gulang na gayundin ang gumaganda na namang takbo ng kanyang career.

“Happy ako ngayong 2016 kasi sabay-sabay ang trabahong dumarating. Tulad itong Tasya Fantasya, nanay ako ni Mark dito at asawa ko si Freddie Webb. Mayaman kami at ako ang magpapahirap kay Tasya. Kailangan daw kasi na young hot mommy kaya ako ang kinuha, hahaha.

“Under Viva management ako and five years na. Nakatutuwa na sabay-sabay nga ang work. May offer din ako sa GMA 7 pero hindi ko tinanggap kasi sabay sa taping ng ‘Panday’ na everyday tapos may ‘Baryo Kulimlim’ din ako for Cignal Sari-Sari Channel, kami rin i Shy ang bida roon. Kasama rin ako sa ‘Girlfriend for Hire’ na movie nina Yassi (Pressman at Andre Paras) na showing na sa February 10, tapos may indie movie pa ako na showing sa February 3, ‘yung kay Matteo Guidicelli, ‘yung ‘Tupang Ligaw’,” sambit pa ni Ara na full blast na talaga ang pagbabalik.

Nasabi pa ni Ara na gusto muli niyang magka-anak at iyon ay sa tatay din daw ng kanyang panganay, kay Meneses. “Kung sakaling wala pa, siyempre may hinahabol tayong edad, gusto kong magkaroon ng kapatid si Mandy. Kasi ang hirap naman mag-entertain ng another. Siyempre kailangan siguraduhin kung siya na talaga. At least, parehas ng tatay kumbaga. Para isa lang father nila.”

SHOWBIZ KONEK – Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *