Wednesday , December 12 2018
Breaking News
You are here: Home / News / Security officer tigok sa tarak (Backride sa trike)

Security officer tigok sa tarak (Backride sa trike)

PATAY ang isang 45-anyos security officer makaraang tarakan sa dibdib ng hindi nakikilalang suspek habang ang biktima ay naka-backride sa tricycle ng kaibigan sa Caloocan City kamakalawa ng gabi.

Hindi na umabot nang buhay sa Valenzuela Medical Center ang biktimang si Ramon Diaz III, residente ng San Miguel Homes, Santolan Road, Brgy. Gen T. De Leon, Valenzuela City.

Patuloy ang imbestigasyon ng mga pulis upang matukoy ang motibo sa insidente at ang pagkakakilanlan ng suspek na mabilis na tumakas makaraan ang pananaksak.

Base sa report nina homicide investigators SPO2 Eduardo Tribiana at PO3 Noel Bollosa kay Caloocan City Police chief, S. Supt. Bartolome Bustamante, dakong 9 p.m. nang maganap ang insidente sa Tullahan Road, corner Manotoc Compound Entrance, Sta. Quiteria, Caloocan City.

Naka-back-ride ang biktima sa tricycle na minamaneho ng kanyang kaibigan na si Raymond Adriano, 46, upang ihatid ang kanyang kuya na si Odonell, 50, at asawa na si Purificacion, 57, sa Camarin, Caloocan City, galing sa bahay ni Diaz makaraang dumalo sa kanilang family reunion.

Pagsapit sa nasabing lugar, nagulat ang mga kasama nang humingi ng tulong ang biktima dahil sa saksak sa dibdib kaya agad nilang isinugod sa pagamutan ngunit hindi na umabot nang buhay.

COMMENTS
READ MORE:  1 patay, 8 timbog sa anti-drug ops sa Tondo

About Ric Roldan

Scroll To Top
 

Copyright hatawtabloid.com | All Rights Reserved