Friday , March 29 2024

Cone, Jarencio saludo kay Jacobs

122815 ron jacobs tim cone pido jarencio
BUKOD kay Lim Eng Beng, isa pang personalidad sa PBA ang pumanaw bago ang Pasko.

Sumakabilang-buhay ang dating coach ng RP team na si Ron Jacobs sa edad na 72 pagkatapos ng mahabang panahong nakaratay siya sa kama dahil sa stroke na tumama sa kanya noong 2002.

Nagsilbi si Jacobs bilang coach ng Northern Consolidated na nagkampeon sa PBA bilang guest team noong 1985 Reinforced Conference, bukod sa dalawang titulo sa Jones Cup at ang korona sa 1985 ABC Men’s Championships na ginanap sa Kuala Lumpur, Malaysia.

Dapat sanang maging coach si Jacobs sa RP team sa 2002 Asian Games sa Busan, Korea, ngunit nagkasakit siya at pinalitan siya ni Jong Uichico.

Marami sa mga dating manlalaro ni Jacobs sa NCC ay naging coaches tulad nina Uichico, Allan Caidic, Pido Jarencio, Jerry Codinera at Siot Tanquingcen.

Pati si Tim Cone ay saludo kay Jacobs na dalawang beses silang nagharap sa PBA finals noong 1998 nang hinawakan ni Cone ang Alaska kontra sa San Miguel Beer ni Jacobs.

“Ron Jacobs was the most intense competitor I ever faced,” wika ni Cone sa kanyang Twitter account.

“Plus, he had an absolutely brilliant mind, what a lethal combination to go against. Ron greatly impacted all of us coaches. We all took pages from his playbook and made it our own. He will be forever remembered.”

Malaki ang respeto ni Jarencio kay Jacobs.

“Siya ang naging unang coach ko sa RP team at sa PBA,” ani Jarencio. “Condolences sa kanyang pamilya. Malaki ang impluwensiya sa akin. Disciplinarian siya.”

( James Ty III )

About James Ty III

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *