Friday , March 29 2024

Carlo Katigbak, bagong presidente at CEO ng ABS-CBN Corporation

122115 carlo katigbak abs-cbn
INANUNSIYO ng ABS-CBN Corporation ang pagtatalaga kay Carlo Katigbak bilang bagong President at Chief Executive Officer (CEO) simula Enero 1, 2016.

Magreretiro si Charo Santos-Concio sa Disyembre 31, 2015 ngunit patuloy na manunungkulan sa kompanya bilang Chief Content Officer, President ng ABS-CBN University, at Executive Adviser to the Chairman. Mananatili namang Chairman of the Board ng ABS-CBN si Eugenio Lopez III.

Mayroong 20 taong karanasan si Katigbak sa financial management at business operations, corporate planning, at general management.

Bago hiranging COO noong Marso 2015, si Katigbak ang naging Head of Access ng ABS-CBN. Pinamunuan at pinangunahan niya ang pagpasok ng ABS-CBN sa iba’t ibang negosyo gaya ng Sky Cable, ABS-CBNmobile, at ABS-CBN TVplus.

Nagsimula siya noong 1994 sa Sky, na hinawakan niya ang iba’t ibang posisyon bago maging VP for Provincial Operations noong 1998.

Noong 1999, inatasan si Katigbak na pangunahan ang internet business ng ABS-CBN at itinalagang Managing Director ng ABS-CBN Interactive.

Bumalik siya sa Sky Cable noong 2005, naging COO nito hanggang 2012, at naging pangulo nito noong 2013. Sa ilalim ng kanyang pamamahala, inilunsad ng Sky ang Digibox, na siyang sumugpo sa mga ilegal na koneksiyon at naghatid sa mga customer ng mas maraming mapagpipilian pagdating sa kanilang subscriptions.

Kumuha si Katigbak ng Advanced Management Program sa Harvard Business School noong 2009. Nagtapos naman siya ng Management Engineering sa Ateneo de Manila University noong 1991.

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *