Dalagita minartilyo ng maysapak, tigbak

PATAY ang isang 17-anyos dalagita makaraang pukpukin ng martil-yo sa ulo ng kapitbahay na hinihinalang may topak sa Quezon City kamakalawa ng gabi.

Namatay noon din ang biktimang si Mary Joy Lazo, ng Lot 10, Blk. 30, Bougainvillea St., Maligaya Park Subd., Brgy. Pasong Putik, Quezon City.

Habang agad naaresto ang suspek na si Melford Alinsolorin 25, kapitbahay ng biktima.

Sa imbestigasyon ng Quezon City Police District Criminal Investigation and Detection Unit, dakong 8 p.m. habang nagpapahinga sa loob ng kanilang bahay ang biktima, biglang pumasok ang suspek at siya ay pinukpok ng martilyo sa ulo.

Mabilis na tumakas ang suspek nang makitang dumarating ang ama ng biktima

Sa tulong ng mga kapitbahay, nadakip ang suspek.