HATAW! D'yaryo ng Bayan hatawtabloid.com
NAKAWIWINDANG naman ang ginawang pagpatay sa ina ni Angelica Jane Yap aka Pastillas Girl. Ganoon na lang na binaril si Teresa Yap ng isang gunman sa bandang Tagaytay at Cabanatuan Streets, Barangay 131, Caloocan City.
Maraming anggulo ang tinitingnan sa pagpaslang sa ina ni Pastillas Girl. May kinalaman din kaya ang politika dahil Barangay Kagawad din siya sa kanilang lugar?
Humihingi ng justice si Pastillas Girl sa pagpatay sa kanyang ina.
Pero the height at hindi makatarungan ‘yung reaksiyon ng ilang fans porke’t solid ang paghanga sa AlDub.May nag-react ng ‘buti nga’.
Kalorky, dapat ang ganitong mentalidad ng fan ang binabaril, eh! Wala kayo sa ayos, ha! Tama ba naman ‘yan dahil lang sa paghanga sa AlDub? Baka nga hindi pa kayo kilala ng hinahangaan niyo tapos ganyan kayo makaasta. Hindi rin matutuwa mismo sina Alden Richards at Maine Mendoza ‘pag ganyan ang asal niyo dahil kilala silang mabait na tao.
Anyway, nakilala ang ina ni Pastillas Girl nang ipagtanggol at depensahan ang anak dahil sa paratang ng isang women’s group na mistulang ibinubugaw umano ng It’s Showtime si Angelica.
Nakikiramay kami sa mga naulila ni Teresa Yap.
(ROLDAN CASTRO )
