Friday , March 29 2024

Bigyan ng katarungan ang Maguindanao Massacre victims — Alunan

NANAWAGAN si dating Department of  Interior and Local Government secretary Rafael Alunan III sa Department of Justice (DOJ) na pabilisin ang proseso ng paglilitis laban sa mga sangkot sa Maguindanao Massacre na nasa ikaanim na taon na nitong Lunes.

Ayon kay Alunan, mahigit 150 testigo at libo-libong pahina na ang iprinisinta ng prosekusyon pero wala pa rin nahahatulan kahit isa ang special court sa ilalim ni Quezon City Regional Trial Court Branch 221 Judge Jocelyn Solis-Reyes na may hawak sa kaso.

“Sa halalan noong 2010, nangako si Pangulong Aquino na mahahatulan sa kanyang pamumuno ang lahat ng sangkot sa Maguindanao Massacre pero matatapos na ang kanyang termino sa 2016 ay nasa depensa pa lamang ang paglilitis,” diin ni Alunan na kandidatong senador sa ilalim ng Bagumbayan Party kasama si da-ting senador Richard “Dick” Gordon.

Naganap ang masaker noong Nobyembre  23, 2009 sa Ampatuan, Maguindanao, na umabot sa 58 katao ang namatay kabilang ang 32 mamamahayag na inilarawang pinakamalalang maramihang pagpatay sa miyembro ng Fourth Estate sa kasaysayan.

“Sana, makagawa ng paraan ang husgado na mapabilis ang proseso ng paglilitis dahil patuloy ang paghihirap ng pamilya ng mga biktima ng Maguindanao Massacre hangga’t hindi  nila nakakamit ang napakailap na katarungan,” dagdag ni Alunan.

Nangako naman si Alunan na kung papalaring magwagi sa halalan ay ipapanukala niyang ide-criminalize na ang kasong libelo na ginamit noon pang panahon ng mga Amerikano para gipitin ang mga mamamahayag na Filipino.

“Panahon na siguro upang baguhin ang batas natin laban sa libelo lalo’t hindi ito nakatutulong upang mahadlangan ang sunod-sunod na pagpaslang sa mga mamamahayag sa ating bansa, lalo sa mga broadcaster,” dagdag ni Alunan. “Dapat sigurong maging kasong sibil na lamang ito hindi tulad ngayon na ginagamit ang kasong ito upang gipitin ang mediamen.”

About Hataw News Team

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *