Aprub ba kay SoJ Ben Caguioa ang “one-stop-shop” visa processing?

SA KABILA raw ng ating mga inilahad, tuloy pa rin daw ang sinasabing one-stop-shop processing ng visa riyan sa Rm. 426 courtesy ng isang Atty. Paminta ‘este’ Maminta.

Since bigyan ng blessing ni Pabebe-Comm. Fred ‘greencard’ Mison ang tinaguriang “one-stop-shop” diyan sa 4th floor ng BI main office, hindi nag-aksaya ng panahon si Atty. Maminta at bigla agad naisipan na mag-expand ng kanyang puwesto kaya pilit tinatarget ang mga opisinang hindi naman gaano nagpa-function at gusto agad magpagawa ng extension office dahil na rin sa dami ng kliyenteng travel agents!?

Para palang style-China si Atty. Maminta na gustong sakupin ang mga karatig-opisina?

Hehehe…

Walastik!!!

Kabilis namang lumago ang negosyo ‘este trabaho nilang dalawa ni Pareng Fredo?

Baka naman ‘pag tagal-tagal ‘e magpa-franchise na kayo?

Kaya lang nakapagtataka raw na kahit anong toxic na raw ng office nitong si Atty. Paminta ‘este’ Maminta,  ayaw pa rin daw nito ipamigay ang ibang case folders?

Hindi rin maiwasan na may mga natutulog na ilang kaso lalo na raw ‘yung mga kasong walang karga?

How true na para palang kotse raw ang isang abogado riyan na pag walang gasolina hindi aandar?

SOJ Ben Caguioa, kayo po ba ay na-inform hinggil sa one-stop-shop visa processing ni Atty. Maminta sa 4th floor ng BI main office?!

Dumaan ba sa inyong approval ang bagong sistema na ito ng BI?

Pakitanong din po sa anak ni Mang Badong kung siya ay nagpaalam sa inyo?!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com