Donaire hinahamon si Rigondeaux

“In order for you to convince me that you’re better than me, you gotta do it twice.”

Ang pamosong pahayag noon ni Sugar Ray Leonard ay ipinararating ni Nonito “The Filipino Flash” Donaire kay Cuban sensation Rigondeaux.

Kahapon ay nasa Las Vegas si Donaire para panoorin ang labang Miguel Cotto at Canelo Alvarez.     At layon din niyang ipahatid ang mensahe kay Rigondeaux.

Si Rigondeaux ay kababalik lang sa ring pagkaraan ng isang taong layoff na haharap sa isa pang Pinoy boxer na si Drian Francisco para sa isang 10-round non-title bout.

Matatandaan na tinalo ni Rigondeaux si Donaire noong 2013 sa isang dikitang desisyon.   Sa nasabing laban ay puro jab at takbo lang ang ginawa ng Cuban boxer at tipo bang nahusayan yata ang mga hurado sa mga sayaw niya kung kaya ibinigay sa kanya ang desisyon kahit pa nga bumagsak ang nognog na boksingero sa 10th round.

Nakatakda namang lumaban si Donaire kay Cesar Juarez sa Disyembre 11 sa isang 12-round super bantamweight bout. Hahataw ang laban sa Coliseo Roberto Clemente sa San Juan, Puerto Rico.

Ang malalang pagkatalo ni Donaire ay laban kay Walters na aminado ang una na hindi na siya dapat naghangad na umakyat pa sa mas mabigat na timbang na featherweight.   Ngayon ay kontento na siya sa kasalukuyang timbang na nagrehistro ng dalawang sunod na impresibong panalo.

KUROT SUNDOT – Alex Cruz