Thursday , March 28 2024

Andi, naiyak, tunay na ama ng anak muling inungkat

111715 Andi Eigenmann
UMIYAK si Andi Eigenmann pagkatapos ng press conference ng Angela Markado. Lumuha siya dahil sa awa n’ya sa anak n’ya na hanggang ngayon ay inuungkat pa rin kung sino ang ama—at hanggang ngayon ay itinatanggi ni Albie Casinio na anak n’ya.

Kami lang ng katotong Julie Bonifacio ang naging saksi ng pagluha na ‘yon ng aktres nang halos 10 minuto. May dalawang photographer na nakunan si Andi ng litrato noong nagpapahid na siya ng luha.

Kung matibay ang sikmura namin ng katotong Julie, kung makapal ang mukha namin, sana ay naisip namin agad na kunan ang tahimik na lumuluhang ina. Puwede naman namin siyang kinunan ng litrato gamit ang aming mga cellphone, pero pareho kaming nagulat nang bigla na lang nag-ulap at namula ang mga mata ni Andi. At maya-maya lang ay tahimik na siyang lumuluha. Pareho kami ni Julie na walang nakuhang litrato.

Actually, interview ‘yon ng katotong Julie. Mag-isa lang siya, at mag-isa lang din si Andi. Nakaalis na ang lahat ng co-stars n’ya. Nakisali lang kami sa interbyu.

Nagsimulang umiyak si Andi noong sinasabi n’yang itigil na sana ng kampo ni Albie ang pagsasabing hindi siya ang ama ng isinilang n’ya, dahil kailan ay hindi naman daw n’ya iginiit na siya ang ama ng bata.

Ang Angela Markado ay ang bagong pelikula ni Carlo Caparas. Bale re-make ito ng pelikula ni Lino Brocka noon na nagtampok kay Hilda Koronel bilang isang rape victim na ipinaganti ang nangyari sa kanya sa pamamagitan ng isa-isang pagpatay n’ya mismo sa mga nanggahasa sa kanya.

Sa Shangri-la restaurant nga pala idinaos ang presscon bilang pangalawang bahagi ng presscon ni Atty. Persida Acosta, ang chief ng Public Attorney’s Office. Nasa cast din ng Angela Markado ang magiting na abogada ng masa.

KITANG-KITA KO – Danny Vibas

About Danny Vibas

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *