Friday , March 29 2024

Gobyerno guilty (INC absuwelto sa pakikialam ng estado sa simbahan)

1111 FRONTKAIBA sa neutral na posisyon ng maraming opisyal ng pamahalaan ngayon, nanindigan si San Juan Representative at House Minority Leader Rep. Ronaldo “Ronnie” Zamora para sa Iglesia Ni Cristo (INC) sa isang artikulong isinulat at ipinaskil sa online.

Sa kanyang paskil, inilatag ni Zamora ang mga dahilan kung bakit hindi maaaring paratangan ang INC ng paglabag sa “separation of church and state” kahit batid ng lahat ang lawak ng suportang ibinibigay tuwing halalan.   

Sa isang post sa Facebook, ipinaliwanag ng BAR topnotcher na ang pagkakatadhana ng probisyon sa Saligang Batas hinggil sa pagkakahiwalay ng simbahan at estado ay “hindi para panga-lagaan ang mamamayan laban sa isang simbahang may kapangyarihan ng isang estado, kundi upang protektahan ang mga simbahan mula sa kapangyarihan ng estado.”

Sinabi rin ng UP Law class valedictorian na si Zamora na ang atas na ito ng Konstitusyon ay sinadyang magsilbing haligi upang pigilan ang gobyerno sa panghihimasok at pagsasailalim dito ng mga denominasyong panrelihiyon, sa pagpapahina ng kanilang impluwensiya at “sa tahasang paghadlang o tuwirang pagsugpo rito, kapag naaakma sa panahon.” 

“Huwag ninyong kalimutan na ano mang kayang gawin ng estado sa isang simbahan ay maaari rin nitong gawin sa lahat ng iba pa,” babala ni Zamora. 

Bagamat aminado si Zamora na “walang karapatan ang simbahan na makialam sa pangangasiwa ng estado,” iginiit niya na ang estado ay “walang anumang karapatang pakialaman ang isang simbahan.”

Ang pamunuan ng INC ay nahaharap sa mga kasong may kaugnayan sa pagkakapiit na kasalukuyang nakabinbin sa Department of Justice at sa Court of Appeals.

Napulaan nang husto, lalo ng netizens, ang pamunuan ng Iglesia, sampu ng mga kasapi nito dahil sa paggiit sa “pagkakahiwalay ng simbahan at ng estado” o “separation of church and state” sa Konstitusyon.

Ayon kay Zamora, walang basehan ang mga alegasyong nilalabag ng INC ang ”pagkakahiwalay ng simbahan at ng estado” dahil sa suportang ibinibigay sa mga kandidato tuwing halalan.

“Tanging ang mga walang alam ang magsasabi na ang pinag-ibayong papel na ginagampanan ng INC ay paglabag sa atas ng Saligang Batas,” anang mambabatas.

“Ang politika ay ang eksklusibong mundo ng indibidwal na mamamayan, ng kanyang konsensiya at ng personal na desisyon. Kapag lubos na malayang nagpasya ang indibidwal na ipasailalim sa gabay ng simbahan ang kanyang mga desisyong pampolitika, dito pumapasok ang karapatan ng kanyang simbahan na makialam sa politika,” paliwanag ni Zamora.

“Sa kabila nito, wala ni isang pagkakataon o kalagayan na nagbibigay ng karapatan sa estado o ng bawat gobyernong nangangasiwa dito na pakialaman ang politika. Batid ito ng sinumang nag-aral sa isang disenteng eskwelahan.”

About Hataw News Team

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *