Saturday , December 15 2018
Breaking News
You are here: Home / News / 79-anyos lolo tigok sa hataw ng delivery boy

79-anyos lolo tigok sa hataw ng delivery boy

PATAY ang isang 79-anyos lolo makaraang hatawin nang matigas na bagay sa ulo ng delivery boy sa Makati City kahapon.

Binawian ng buhay habang nilalapatan ng lunas sa Ospital ng Makati ang biktimang si Alfredo Peña Sr., ng 6198 Gabaldon St., Brgy. Poblacion ng lungsod, sanhi ng pinsala sa ulo.

Habang nahaharap sa kasong homicide ang suspek na si Moises Ranchez, 30, stay-in delivery boy sa Renzmae Ice Delivery sa sa Pamilihang Bayan ng naturang lugar.

Base sa imbestigasyon ni SPO3 Jason David, imbestigador ng Station Investigation and Detective Management Branch (SIDMB), dakong 3:35 a.m. nang mangyari ang insidente sa panulukan ng Villena at Gabaldon Streets, Brgy. Poblacion ng naturang lungsod.

Habang natutulog ang biktima sa tabi ng bangketa nang magising dahil sa ingay ng suspek.

Sinita ng biktima ang suspek na nagresulta sa mainitan nilang pagtatalo.

Habang nagtatalo, nakahagilap ang biktima nang matigas na bagay na inihataw niya sa suspek.

Ngunit naagaw ito ng suspek at gumanti ng hataw sa biktima.

Bumagsak sa semento ang matanda at nawalan ng malay. Isinugod sa pagamutan ang biktima ngunit nalagutan ng hininga habang nilalapatan ng lunas.

Sumuko si Ranchez sa mga pulis makaraan ang insidente.

COMMENTS
READ MORE:  3 paslit inararo ng trak tepok

About Jaja Garcia

Scroll To Top
 

Copyright hatawtabloid.com | All Rights Reserved