Friday , March 29 2024

Dinastiya ng Oreta kaya bang putulin ni Jaye Lacson-Noel!?

oreta jaye lacson noel malabonMUKHANG may hahamon na para wakasan ang dinastiya ng mga Oreta sa Malabon City.

Kung hindi tayo nagkakamali, ang mga Oreta ang isa sa mga pinagpala nang mapatalsik ang mga Marcos noong 1986.

Bago raw kasi ang panahon ni Marcos, ang mga Oreta ay isa sa may pinakamalaking construction firm sa bansa — ang AMO — as in Antolin M. Oreta & Co, Inc.

Noong 1946 pa ito itinatag. At matagal na panahon ding nakopo ang mga proyektong impraestruktura ng gobyerno.

Pero noong panahon ni Marcos, itinayo ang Construction Development Corporation of the Philippines (CDCP) sa ilalim ng Philippine National Construction Company (PNCC).

Eventually, nawalan ng proyekto ang AMO dahil umano sa panggigipit ng Marcos Regime kaya minabuti ng pamilya Oreta (Len, ang asawa ni Tessie Aquino Oreta na kapatid ni Ninoy at tiyahin ni PNoy) na manirahan muna sa Estados Unidos.

Nang bumagsak ang administrasyon ni Marcos at nailuklok si Cory bilang pangulo, nagbalik ang mga Oreta.

Pumasok sa politika ang pinsang si Peng Oreta at si Tessie Aquino Oreta.

Hanggang sumunod sina Tito Oreta at naisalin kay Lenlen (anak ni Len at Tessie) ang pamumuno sa Malabon.

Ngayon, mukhang naghahanda sa kanyang panibagong termino si Lenlen pero mukhang hindi na papayag si congresswoman Jaye Lacson-Noel na muling maisalin sa mga Oreta ang pamumuno sa Malabon kaya minabuti niyang maghain ng kandidatura para alkalde.

Ayon kay Cong. Jaye, “Isang Mapagkalingang Pamamahala” ang tunay na layunin ng kanyang kandidatura upang maipagkaloob sa mga mamamayan ng Malabon ang pamumunong bukas sa mata ng publiko.

Binigyang-diin din niya na ang Malabon ay para sa mga mamamayan at hindi sa iilang pamilya lamang at pamamahalang magbibigay nang tapat na paglilingkod ang mag-aangat ng pamumuhay ng mga tao.

Mukhang mabigat ang sagupaang ito sa Malabon.

Pero umaasa naman tayo na hindi ibu-bully ng mga Oreta si Cong. Jaye.

Sana’y isang malinis na eleksiyon ang matunghayan ng mga taga-Malabon sa 2016.

Let’s keep our fingers crossed.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *