Friday , March 29 2024

Mar, Leila ‘di bumigay sa Iglesia

ITINANGGI ng matataas na opisyal ng Aquino administrasyon ang akusasyon na may naganap na areglohan kaya natapos ang protesta ng Iglesia Ni Cristo na nagsimula noong Huwebes at natapos nitong Lunes ng umaga.

“Wala pong ganoon,” ani DILG Secretary Mar Roxas sa isang interbyu sa DZMM. “Ang nangyari ay nagkaroon ng paliwanagan, nilinaw na hindi special treatment ang INC, for and against. Nagkaroon lang ng paliwanagan na dumaraan ang lahat sa proseso.”

Inilutang ng militanteng grupo tulad ng Bayan Muna na posibleng napagbigyan ng gobyerno ang mga hiningi ng INC kaya umatras sa ika-apat na araw ng kanilang protesta.

Sinabi ni dating Akbayan Representative Walden Bello, dapat isiwalat ng pamahalaan ang mga pinag-usapan para malaman ng taumbayan.

Ngunit namatay ang mga espekulasyon nang pumasok kahapon sa kanyang opisina sa Department of Justice si Secretary Leila de Lima. 

Matatandaang isa sa mga panawagan ng INC ay sibakin si De Lima mula sa puwesto. “No deal. I am not resigning,” matapang na pahayag ng kalihim.

Inulit ni Roxas na ang kapakanan ng ibang mamamayan ang naging sentro ng puwersa ng gobyerno. “Yung paliwanagan na kinikilala natin ang lahat na magpahayag ng saloobin, pero iniisip natin ‘yung kapakanan ng iba. Nagpapasalamat tayo na walang karahasang nangyari,” aniya.

Matatandaang ipinag-utos ni Pangulong Benigno “Noynoy” Aquino sa simula pa lamang ng protesta na magbantay ang puwersa ng pamahalaan laban sa mga maaaring sumakay at gumamit sa protesta para sa pansariling motibo.

Nakompirma ito noong mga nakalipas na gabi na umakyat pa ng entablado at nagtalumpati laban sa gobyerno ang ilang personalidad na hindi miyembro ng INC.

Samantala, umani ng matinding batikos sina Vice President Jejomar Binay, mga senador na sina Grace Poe, Francis “Chiz” Escudero at Ferdinand “Bongbong” Marcos sa naging pagsuporta nila sa pagkilos ng INC, na pumaralisa ng trapik sa malalaking kalye tulad ng EDSA, Ortigas, Shaw Boulevard at C5 road.

About Hataw

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *