HATAW! D'yaryo ng Bayan hatawtabloid.com
MAGIGING unang asignatura ng Gilas Pilipinas ang Palestine sa Setyembre 23 sa pagbubukas ng 2015 FIBA Asia Championships sa Changsha, Tsina.
Magsisimula ang laro sa alas-11:45 ng umaga sa CSWC Dayun Gym at mapapanood ito nang live sa TV5.
Kinabukasan ay makakalaban ng Gilas ang Hong Kong sa alas-9:30 ng umaga at ang Kuwait sa Setyembre 25 sa alas-4:45 ng hapon.
Llamado ang mga Pinoy na walisin ang kanilang kalaban at umabante sa susunod na round sa torneo kung saan tanging ang kampeon nito ay mapupunta sa 2016 Rio Olympics.
Dating nagharap ang Pilipinas at Hong Kong sa 2013 FIBA Asia Championships dito sa Maynila.
Inaasahang lalaro ang dating import ng Globalport sa PBA na si Omar Krayem sa lineup ng Palestine.
(James Ty III)
