Tuesday , September 24 2019
Breaking News
You are here: Home / Hataw Lifestyle / Panaginip mo, Interpret ko: Baul at numero sa panaginip

Panaginip mo, Interpret ko: Baul at numero sa panaginip

00 PanaginipHello Señor, gud day po s u,

Sana ma-intrpret ‘yung dream ko na may baul at may mga numero rw dun, medyo mada-las dn ako mnginip nito, dapat kea akong tumaya sa lotto at mananalo kea ako nito at yayaman na? Wag nio na lang lalagay cp ko, tnhks!!!!

To Anonymous,

Ang panaginip ukol sa baul ay kadalasang sumasagisag sa kayaman o salapi, subalit maaaring mayroon ding ibang kahulugan ito maliban sa pagtaya sa lotto o pagkakaperahan.

Ganoon din naman ang mga numero, hindi lahat ng numero sa panaginip ay nagagamit sa suwerte at sugal dahil posibleng may ibang kahulugan ang paglabas nito sa iyong bungang-tulog. Posible rin na lagi mong iniisip na tatama ka sa lotto o sa anumang sugal na tinatayaan mo, kaya lumalabas ito sa iyong panaginip. Kumbaga, nagiging sagisag ng pag-asa mo ang lotto upang mahango sa kahirapan at upang maging biglang-yaman ka at upang maging katapusan na rin ito ng paghihirap mo. Lagi marahil itong nasa subconscious mo kaya nananaginip ka ng numero. Subalit dapat tandaan na ang pagyaman ay hindi nakukuha sa madaliang pamamaraan. Although hindi masama ang tumaya sa loterya o lotto kung ito’y paminsan-minsan at libangan lamang at kung ikaw naman ay may sobrang pera. Subalit kung ito’y magiging madalas at makakasira sa budget ng inyong pamilya, papatak ito sa kategoryang isang bisyo na. Tandaan mong sa suma total, bihira lang ang nananalo sa sugal. Mas mabuti kung dadagdagan ang pagsisikap at pagtitiyaga upang maabot o maisakatuparan mo ang minimithi mong pagyaman o pag-unlad.

Señor H.

About hataw tabloid

Leave a Reply

Your email address will not be published. Required fields are marked *

*

Scroll To Top