DOH kontra-bulate muntik maging kontra-buhay!

Kamakalawa nationwide na inilunsad ang kontra-bulate program ng Department of Health (DoH).

Sabay-sabay po sa buong bansa. Pero ilang minuto pagkatapos nito, mahigit 100 estudyante sa Zamboanga del Norte at iba pang bahagi sa Mindanao ang naospital matapos inumin ang chewable na kontra-bulate.

Anak ng teteng naman talaga!

Ano ba ‘yan, Health Secretary Janette Garin!?

Hindi man lang ba ninyo tiniyak na ligtas ang mga kontra-bulate na ipinadala ninyo para sa mga bata?! Lalo na ‘yung doon sa Mindanao?!

Tiyak na milyon-milyon na naman ang ginastos sa event na ‘yan.

Huwag naman po sanang ikatuwiran na isolated case lang ‘yan.

Mahigit 100 estudyante ‘yan. Dapat nga walang mga insidenteng gaya n’yan.

P’wede ba Secretary Garin, ‘wag naman panay ang pa-cute mo lang sa TV. Ayusin mo naman ang trabaho mo bilang Health Secretary!

Magkano kaya ang ginagastos ninyo riyan sa mga TV Commercial? Bakit hindi na lang i-house-to-house ang mga kampanya ninyo para tiyak na makatatagos lalo na sa mahihirap nating mga kababayan?!

Huwag ‘yang TV networks ang payamanin ninyo! Gamitin ninyo ang pondo ninyo para bawasan kung hindi man tuluyang mawawakasan ang lumalalang malnutrisyon sa mga kabataan.

Paano pa magiging pag-asa ng bayan ang ating mga kabataan kung biktima ng malnutirusyon?!

Uulitin ko lang po Secretary Garin, gamitin nang tama ang pondo ng DoH…

‘Wag sa PAKYU…T!!!      

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com