7 lugar sa Pangasinan lubog pa rin sa baha

LUBOG pa rin sa baha ang pitong lugar sa Pangasinan makaraan ang ilang araw na pag-ulan nitong nakalipas na mga araw. 

Bagama’t nagsimula nang gumanda ang lagay ng panahon simula noong Linggo, sinabi ni ret. Col. Popoy Oro ng Provincial Disaster Risk Reduction and Management Office, 349 pamilya pa ang nananatili sa mga evacuation center. 

“Mataas pa rin ‘yung kanilang lugar dahil nasa catch basin itong mga lugar na ito,” paliwanag ni Oro. 

“Sa kasalukuyan, inaasahan natin na meron din tayong high tide mga bandang tanghali so preemptive measure po ito para makasiguro tayo na makaiwas sa pinsala, sa sakuna.”