Pagiging Tisay ni Gerphil, malaking bagay sa pagsikat

SINABI ni Gerphil Flores na nakikipag-usap na raw sa kanya ang mga managers ng international singer at music producer na si David Foster para sa isang trabaho na magkakaroon sila ng collaboration. Ibig sabihin talagang seryoso ang international singer na tulungan ang Pinay.

Kung talagang magkakatulungan silang dalawa, malaking bagay ang magagawa niyan para kay Gerphil, depende rin naman kung anong suporta ang makukuha niya. Tandaan ninyo, tinulungan din naman ni Foster si Charice Pempengco. Pero magkaiba naman ng tipo ang dalawa. Una, pop pa rin ang dating ni Charice, samantalang classic naman si Gerphil. Maliwanag na tomboy si Charice at babaeng-babae naman si Gerphil. Asian looking talaga si Charice, medyo Tisay si Gerphil. Iyang mga bagay na iyan ay may kinalaman din sa popularidad lalo na kung sa abroad.

Tingnan natin kung ano ang mangyayari talaga.

HATAWAN – Ed de Leon