Friday , March 29 2024

Human Rights Champion durog sa cement mixer

NAGWAKAS sa trahedya ang buhay ng isang kilalang anti-Marcos activist, human rights at community  worker nang mabundol at magulungan ng rumaragasang cement mixer sa madilim na bahagi ng Quirino Highway sa Caloocan City, kamakalawa ng gabi.

Namatay habang ginagamot sa East Avenue Medical Center ang biktimang si Edgardo Buenaventura, 63-anyos, residente ng GK2 Akle St., Amparo Subdivision, Brgy. 179 ng nasabing lungsod.

Batay sa ulat ni PO3 Michael Calora, dakong 10:15 p.m. nang maganap ang insidente sa madilim na bahagi ng Quirino Highway sa nasabing barangay.

Tumatawid ang biktima patungo sa Lilia Eatery sa kabilang bahagi ng highway pero hindi napansin ang rumaragasang cement bulk carrier na dere-deretsong sumapol sa biktima.

Si Buenaventura, Ka Egay sa kanyang mga kasama at kaibigan, ay kasalukuyang project development assistant IV sa Department of Agriculture (DA).

Noong panahon ni Marcos, si Buenaventura ay aktibong community organizer at development worker sa ilalim ng isang programa sa Share & Care Apostolates for Poor Settlers (SCAPS) ng Catholic Bishops’ Conference of the Philippines (CBCP).

Naging bahagi rin siya ng Task Force Detainees of the Philippines (TFDF) Southern Tagalog at naging kinatawan ng iba’t ibang conference kaugnay nito sa labas ng bansa.

Kasong reckless imprudence resulting in homicide ang kinakaharap ng suspek na kinilalang si Leonardo Manibog, 34, driver ng cement bulk carrier (PUC-406) na pag-aari ng Transmix Builders & Const. Inc. 

Rommel Sales

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *