Thursday , March 28 2024

Prestihiyosong gawad ng ulirang guro sa Filipino, bukas na

Muling tumatanggap ng nominasyon ang Komisyon sa Wikang Filipino (KWF) para sa prestihiyong Gawad Ulirang Guro sa Filipino sa taong 2015.

Nasa ikalawang taon na ang gawad na kumikilala sa ambag ng mga guro sa Filipino o gumagamit ng Filipino sa pagtuturo sa kani-kanilang larang o disiplina at iba pang gawain.  Naniniwala ang KWF na mahalaga ang tungkulin ng mga guro sa larang ng edukasyon at ang kanilang pagpupunyagi ay nararapat na pahalagahan dahil nakatutulong sila sa pagpapamalay sa mga mag-aaral ng kahalagahan ng wikang pambansa.

Ang nominado ay maaaring nagtuturo sa alinman antas ng edukasyon, pampubliko man o pampribado, at dapat na may hawak na kaukulang lisensiya (LET, at iba pa), full-time, at may permanenteng status sa paaralang pinagtuturuan.  Siya ay dapat nakapaglingkod na nang tatlo o higit pang taon bilang guro ng Filipino o mga kaugnay na disiplina, at may performance rating na hindi bababa sa Very Satisfactory sa buong panahon ng paglilingkod.

Siya ay dapat nakapag-ambag sa pagpapalaganap ng wikang Filipino sa pamamagitan ng saliksik, publikasyon, pag-oorganisa ng seminar, pagsasanay o palihan, at iba pang katulad na gawain.  Siya rin ay dapat nangunguna sa pagpapaha-laga sa pamanang pangwika at pangkultura ng Filipinas na kaagapay ng pagtatagu-yod, pagpapaunlad, at pagpapalaganap ng wikang Filipino.  Bagama’t opsiyonal, malaking bagay kung ang nominado ay nakatanggap na ng mga parangal o iba pang gawad na kaugnay sa kaniyang propesyon.  Bukod dito, ang nominado ay kailangang may rekomendasyon ng kaniyang immediate supervisor na nagpapatunay ng kagalingang bilang guro na may makabansa at makataong kamalayan.

Ang pormularyo para sa nominasyon ay mada-download sa www.kwf.gov.ph. Ang nominasyon, kasama na ang mga patunay at rekomendasyon, ay kailangang maipasa sa tanggapan ng KWF sa Gusaling Watson, 1610 Kalye J.P. Laurel, San Miguel, Lungsod Maynila 1005.  Ang huling araw ng pagpasa ay sa 3 Hulyo 2015, hanggang alas-5 nh.

Para sa mga karagdagang detalye, maaaring tumawag ang mga interesado sa 7362519, mag-email [email protected] o bumisita sa website ng KWF.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *