Breadwinner ng pamilya napagod nagbigti

ILOILO CITY – Ang hindi makayanang hirap bilang breadwinner sa pamilya ang pinaniniwalaang dahilan ng pag-suicide ng isang lalaki sa Oton, Iloilo kamakalawa.

Ang biktimang si Jorie Solima, 23, ng JC Zulueta, Poblacion, Oton, Iloilo ay natagpuang nakabigti sa kanyang silid gamit ang nylon.

Ayon sa ina, walang ibang problema ang kanyang anak maliban lamang sa hirap na dinadanas dahil sa pagiging breadwinner ng pamilya.

Aniya, maaring pagod na ang kanyang anak sa trabaho para may maipakain at mapag-aral ang anim niyang nakababatang kapatid dahil walang trabaho ang ama at palagi lang naglalasing.

Labis ang paghihinagpis ng ina sa sinapit ng kanyang anak na nag-iwan ng suicide note na nagsasa-bing mahal niya ang kanyang ina at mga kapatid ngunit pagod na siya sa kakatrabaho.