Friday , March 29 2024

Congratulations sa PNP-QCPD sa matapang na laban vs droga

 

061315 PNP QCPD

HINDI naghuhulas ang sigla ng pinatinding kampanya laban sa droga ng PNP Quezon City Police District sa pangunguna ni District Director, C/Supt. Joel Pagdilao.

Kamakalawa, hindi kukulangin sa P225 milyones halaga ng shabu ang nakompiska ng QCPD-District Anti-Illegal Drugs (DAID), pinamumunuan ni C/Insp. Roberto Razon, sa isang Chinese national at isang Pinay.

Nasakote ang dalawa sa kanto ng Bulacan St., at West Ave., Brgy. PhilAm, Quezon City. Dakong 6:00 am ‘yan nitong Huwebes.

Matagal na palang minamanmanan nina Razon ang suspek na si Garry Go a.k.a Egdar Uy.

Tubong China ang tarantadong si Go pero pansamantala silang naninirahan ng isa pang suspek na kinilalang si Sheralyn Borromeo sa San Fernando, Pampanga.

SWAK sa buy-bust operations ang dalawa. Malaking operasyon ito dahil limang kilo ang naka-deal sa usapan pero nang halughugin ang kotseng gamit nina Go at Borromeo, nakakuha pa ng halos 40 kilo ng ilegal na droga.

Diyan tayo pinabilib ng QCPD. Kahit noong panahon ni dating DD, Gen. Richard Albano na ngayon ay nasa MIMAROPA na, malalaki rin ang huli nila. Kuha ang suspek at kompiskado rin ang shabu.

Kung susundan ang track record ng QCPD-DAID at ni Major Razon, hindi ito nagbabago at sa totoo lang pa-intensify nang pa-intensify.

Kaya nagtataka tayo kung bakit hindi ito nangyayari sa Maynila?!

Wala tayong nababalitaan na mayroong malalaking huli ang Manila Police District (MPD) kapag ilegal na droga ang pinag-uusapan, ‘di ba, DD, Gen. Rolly Nana?!

Kung meron man ay piso-pisong bato lang!?

Ang naalala lang nating malaking huli sa droga ng MPD ay ‘yung nakompiska sa locker ng isang miyembro ng MPD DAID?!

‘Yun lang at wala nang iba.

Bakeet?!

Sobrang higpit ba o sobrang luwag ba ang kampanya ninyo laban sa illegal drugs, Gen. Nana?!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *