Thursday , March 28 2024

Dalagita nabaril ng tatay, patay (Napagkamalang aswang)

053015 FRONTKORONADAL CITY – Patay na nang idating sa ospital ang isang dalagitang nabaril ng sariling ama makaraan napagkamalang aswang sa bayan ng Tantangan, South Cotabato kahapon ng madaling-araw.

Kinilala ang biktimang si Carmelita “Nanette” Sandigan, 16, residente ng Purok Malipayon, New Iloilo, Tantangan.

Ayon kay Brgy. Kapitan Ben Sandigan ng Brgy. Sampao, Lutayan, Sultan Kudarat, tiyuhin ng biktima, dakong 1 a.m. nang mangyari ang insidente.

Ayon kay Sandigan, sa salaysay ng kanyang kapatid na si Sanggutin, napagkamalan ng ama na aswang ang anak na dumaan sa bubungan ng kanilang bahay nang umuwi mula sa disco o sayawan.

Hindi aniya dumaan sa pintuan ng kanilang bahay ang biktima sa takot na pagalitan ng mga magulang dahil hindi pinayagang umalis nang nagpaalam upang pumunta sa sayawan.

Nabahala ang ama ng biktima na si Sanggutin at kanyang ina nang may kaluskos silang narinig mula sa bubong ng bahay dahil kalat ang balita tungkol sa aswang sa kanilang lugar.

Makailang ulit tinanong ni Sanggutin kung sino ang nasa bubong ngunit walang sumasagot.

Bunsod nito, napilitan ang ama na paputukan ang nasa bubong gamit ang kalibre .45 baril.

Nalaman lamang nilang ang kanilang anak ang nasa bubungan nang sumigaw ang biktima ng “Ina!” 

Ngunit huli na ang lahat dahil tinamaan sa dibdib ang biktima.

Isinugod siya sa pagamutan ngunit idineklarang patay ng doktor.

Napag-alamang barangay kagawad ng Brgy. Lutayan proper ang ama ng biktima, itinuturing na aksidente ang pagkakabaril sa sariling anak.

“Pinagalitan siya ng tatay niya at hindi pinayagan na mag-disco. Parang  tumakas  siya upang makapag-disco. Pag-uwi niya mga past-1:00 kaninang madaling araw, hindi dumaan sa pintuan, sa bubong ng bahay nag-short-cut. So, ang tatay kasi kalat ang balitang aswang at ‘di sumasagot nang tinatanong, kaya’t nabaril,” kwento ni Sandigan.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *