HATAW! D'yaryo ng Bayan hatawtabloid.com
‘YAN ang nabasa nating praise ‘este press release kamakailan.
Galit na raw si Gen. Carmelo Valmoria laban sa illegal gambling.
Target umano ni Gen. Valmoria na suyurin ang bookies, loteng, sakla, video karera, cara y cruz, jueteng pati jai-alai.
O sige na, huwag natin pagdudahan si Gen. Valmoria, pero mas lalo tayong maniniwala sa kanya kung uunahin niya ang Maynila.
Baka kasi hindi nalalaman ni Gen. Valmoria na ‘yang mga illegal activities na ‘yan ay ginagawang ‘pangkabuhayan’ ng ilang pulis-Maynila.
Kaya nga namamayagpag ang isang BAGMAN na alias Tata Manlapastangan na ginagasgas pa ang pangalan ni Manila Police Distrcit (MPD) director, Gen. Rolando Nana.
Namayagpag daw kasi noong panahon ni Gen. Rolando Asuncion ‘yang si alias Tata Manlapastangan at mukhang mauulit na naman ngayong panahon ni Gen. Rolly Nana.
Kung hindi kayang sawatahin ni Gen. Rolly Nana si Manlapastangan, baka si Gen. Valmoria na nga ang kailangan.
Gen. Valmoria, mukhang hinahamon ka nitong si Manlapastangan!
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
