Thursday , March 28 2024

Belmonte 2016, bukas sa blokeng Makabayan

FRONTNAKATAKDANG pag-usapan ng Makaba-yan Bloc sa Mababang Kapulungan ng Kongreso ang posibilidad na suportahan si House Speaker Feliciano Belmonte sakaling sumabak sa Eleksiyon 2016 bilang susunod na Pangulo ng bansa.

Ito ang pahayag ni Anakpawis Party-list Rep. Fernando ‘Ka Pando’ Hicap makaraang makarating sa kaniyang kaalaman ang impormasyon na malaki ang posibilidad na kabilang si Belmonte sa 2016 Presidential Candidates.

Ayon kay Hicap, bukas ang kanyang partido kabilang na ang Makabayan Bloc na pag-aralan nila ang kandidatura ni Belmonte dahil sa mga nagawa nito bilang pinuno ng Kamara at dating alkalde ng Lungsod Quezon.

Sinabi ni Hicap na idadaan nila sa konsultasyon at pag-aaral ng kanilang mga balangay o kasapian ang tuluyang pagbitbit kay Belmonte sa nalalapit na Eleksiyon 2016.

Ipinunto ng Kongresista na mas katanggap-tanggap si Belmonte kung ihahambing kay DILG Sec. Mar Roxas na marami aniyang atraso sa kanilang sektor gaya ng madalas nitong pagdepensa sa kapalpakan ni PNoy.

Sa ilalim ng pamumuno ni Belmonte ay hindi kailanman nasabit sa isyu ng katiwalian gaya ng hindi wastong paggamit ng PDAF o Pork Barrel at maging ng DAP ng Malakanyang.

Bagaman kilalang kaalyado ni PNoy si Belmonte ay pinayagan niyang matapos ang pagdinig sa Kamara patungkol sa isyu ng Mamasapano Encounter na ikinamatay ng tinaguriang SAF 44.

Sa loob ng siyam na taon bilang Alkalde ng Quezon City, nagawa ni Belmonte na ibangon ito sa kumunoy ng utang hanggang maging pinakamayamang lungsod sa buong bansa.

Ayon naman sa ilang solon na hiniling na hindi muna banggitin ang kanilang pagkakakilanlan, hinihintay lamang nila ang pormal na proklasmasyon ni Belmonte upang ibigay nila ang kanilang buong suporta.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *