HATAW! D'yaryo ng Bayan hatawtabloid.com
MUKHANG deadma ang viewers sa tsimis nina Gerald Anderson at Janice de Belen dahil hindi naman naapektuhan ang ratings game ng Nathaniel dahil nakakuha ito ng 29.4% sa unang gabing (Abril 20) umere ito na lumamang ng 14 puntos sa Pari Ko’y (15.3%) sa GMA 7.
Noong Martes ng gabi (Abril 21) ay muling nakakuha ng mataas na rating na 31.5% ang Nathaniel na umabot na sa 15 puntos na kalamangan sa katapat nitong programa na nakakuha naman ng 16.1%.
Naging nationwide trending topic ang hashtag na #Nathaniel kaya naman tuwang-tuwa ang buong cast sa pangunguna nina Gerald, Shaina Magdayao, Marco Masa, Janice, at Ms Coney Reyes.
Naging bukambibig din ang dialogue ni Coney na, “yayaman ako” at hindi mabuti ang papel niya sa serye kaya ang komento ng netizens, “nakatatakot si Coney sa ‘Nathaniel’! Para siyang satanista! May nanay ba talagang ganoon? Kaya niyang tiisin ang anak niya dahil lang sa pera!? Buti tinanggap niya ang role na ‘yun. Hindi siya natatakot na baka magkaroon ito ng epekto sa pagiging Born Again niya?”
Bale ba, may isyu rin si Ms Coney kay Ms Amalia Fuentes na hindi na rin pinapansin ng tao.
ni Reggee Bonoan
