Abogadong police official utas sa saksak ng pamangkin

CAMP OLIVAS, Pampanga – Patay ang isang police superintendent makaraan pagsasaksakin ng kanyang lasing na pamangkin habang nag-iinoman kamakalawa ng tanghali sa Plaridel, Bulacan.

Sa report na ipinadala sa tanggapan ni OIC Regional Director, Chief Supt. Ronald Santos, hindi na umabot nang buhay ang biktimang si Supt. Eduardo Villena, 55, residente ng Quezon City, at nakatalaga sa Human Rights Affairs Office (HRAO) sa Camp Crame. Habang mabilis na nakatakas ang suspek na si Jimboy Cortez Villena, 20, delivery boy, ng San Leonardo, Nueva Ecija.

Base na imbestigasyon, bandang 10:20 a.m. nang maganap ang insidente sa bahay ng kapatid ng biktima sa Sitio Dike, Banga habang sila ay nag-iinoman.

Nabatid na habang nakikipag-inoman ang biktima dumating ang suspek at nakitagay sa umpukan at nang malasing ay pinalo ng bote ng beer ang kernel saka pinagsasaksak.

Raul Suscano