Wednesday , December 12 2018
Breaking News
You are here: Home / Hataw Lifestyle / Panaginip mo, Interpret ko: Tubig, ngipin at tsinelas (2)  

Panaginip mo, Interpret ko: Tubig, ngipin at tsinelas (2)  

00 PanaginipAng panaginip mo ay maaari rin namang babala na may kinalaman sa negosyo o pagkakaparehan at hinggil din sa iyong kalusugan. Maaaring napapabayaan mo ang mga bagay na ito at kailangan ang lubos na pagbibigay mo ng iyong oras o pagtutok dito. Kung nababahala ka naman dahil may mga nagsasabi na ang ganitong panaginip ay ukol sa kamatayan, ang mga matatanda ay may itinuturing na pangontra sa ganitong bungang-tulog. Pagkagising na pagkagising daw matapos managinip na natanggal ang ngipin mo, dapat ay magdasal at maghanap ka ng anumang punongkahoy, at sa maaabot na sanga nito na maaari mong kagatin, kagatin mo ito nang marahan (na hindi makakasira sa ngipin mo o makakasakit sa iyo). Walang scientific basis siyempre ito, subalit kung para naman sa ikapapanatag ng kalooban mo, wala namang mawawala sa iyo kung gusto mo itong gawin o subukan.

READ MORE:  Ang Zodiac Mo (August 01, 2017)

Ang tsinelas naman sa panaginip ay nagsasaad na ikaw ay nakadarama ng pagiging sluggish and/or insecure. Pakiramdam mo ay wala kang strong foothold sa ilang sitwasyon ng iyong buhay. Alternatively, ito ay nagre-represent din ng domesticity, ease, comfort, and/or relaxation. Maaaring nagpapahiwatig din ito na dapat kang mag-relax o kaya naman, ikaw ay nasosobrahan na sa pagre-relax sa puntong nagiging tamad ka na. Maaari rin namang nagpapahiwatig ang panaginip mo na may mga pagkakataon na nawawala ka sa tamang direksiyon na gustong tahakin, ngunit sa bandang huli ay nakikita mo rin ang tamang gawin sa bawat pagsubok at aral na nararanasan mo sa iyong bawat paglalakbay sa buhay.

READ MORE:  Uswag wikang Filipino ipinagmalaki ni Almario sa 2018 SOLA
READ MORE:  Wanted: Mario Dela Cruz ( Dead or Alive ) (Part 26)

Ang panaginip mo na hubo’t hubad ka ay nagpapakita ng iyong vulnerability o pagiging marupok sa ilang pagkakataon o sitwasyon. May kaugnayan din ito sa iyong pangamba o takot na malaman ng iba o ma-expose ka sa mga ilang bagay na iyong ginagawa. Pakiwari mo ay hinahatulan ka ng iba ng hindi makatarungan. Maaaring may kaugnayan din ang panaginip mo sa pagtanggap sa katotohan o sa kabilang banda, ng takot sa rejection mula sa iba.

Señor H.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved