Iba-ibang trip ni Mader Ricky ngayong Sabado

SAMAHAN natin ngayong Sabado si Mader Ricky Reyes sa kanyang pagdalaw sa iba-ibang kainan sa Pampanga para tikman ang masasarap na pagkaing angkop sa panahon ng tag-init.

Alam ng lahat na basta lutong-Kapampanga’y da best. At ang mga “Food sa Norte” tulad ng minatamis, meryenda, at pamatid-uhaw ay dinarayo’t pinag-uusapan.

Sisilip din si Mader sa mga spa clinic sa Metro at Mega Manila na ‘di lang pampaganda at pampaseksi ang matitikman. Maaari ritong mag-private party at makatikim ng pampakinis ng balat na angkop tawaging “Best sa Kinis.”

Makakatsikahan din ng beauty guru si Dr. Alvin Matulac na nakaimbento ng mabisa at propesyonal na skin products na kaya ng bulsa ng mga Pinoy. Natutulungan din niya ang mga walang trabaho sa pamamagitan ng pagkuha sa mga ito para mag-ahente ng kanyang produkto dahil paniwala nito’y “May Yaman sa Kagandahan.”

Lahat ng biyahe ni Mader ay mapapanood sa programa ng GMA News TV na Gandang Ricky Reyes Todo Na Toh (GRR TNT) ngayong Sabado, 9:00-10:00 a.m. na prodyus ng ScriptoVision.

Basta usapang tungkol sa kagandahan, kalusugan, at kabuhayan, laging tandaang –Mader knows best.