Thursday , March 28 2024

P1.6B nabisto ba sa bank accounts ng law firm ni Rep. Binay?

00 Abot Sipat ArielNAKAPAGDUDUDA kung bakit tutol ang Subido Pagente Certeza Mendoza and Binay (SPCMB) law offices na suriin ang kanilang mga libro, partikular ang kanilang bank accounts ng Anti-Money Laundering Council (AMLC) na tumututok sa laundered money o maruming pera na maaaring mula sa pandarambong sa kaban ng bayan o iba pang masamang paraan.

Nakabakasyon lamang ang anak ni Vice President Jejomar Binay na si Makati Rep. Abigail Binay mula sa SPCMB pero may nagbigay ng ulat sa AMLC na doon pinadadaloy ng batang Binay ang hinihinalang laundered money.

Sa text message nga na aking natanggap kamakailan, ganito ang nakasaad: “Sir ako po ang nagpa-check sa AMLA friends natin sa law firm associated with Cong. Abigail Binay. Record shows more than P1.6B traced sa mga bank accounts ng law firm na ito, suspected na laundered money. Isang kaibigan po ang binigyan ko ng copy at SINADYA NATING PABIGYAN NG INFO SI PNOY NOONG MARCH 18 6 PM. Ito Sir ang dahilan kaya hindi na puwedeng asahan ni PNoy na maging manok si Binay sa 2016.”

Hindi ako basta naniniwala sa mga text brigade pero ngayon ko naunawaan kung bakit nagmamadali ang SPCMB na makakuha ng temporary restraining order (TRO) sa Supreme Court (SC). Iginiit ng law firm labag sa batas at sa Konstitusyon ang hakbang ng AMLC. Para sa SPCMB, may karapatan ang kompanya sa “privacy” at hindi sila ginamitan ng due process dahil wala namang ano mang kasong isinampa ang AMLC na puwedeng maging sanhi para halukayin ng ahensiya ang kanilang mga rekord, lalo ang kanilang bank accounts.

Kung aanalisahing mabuti, waring may ‘itinatago’ ang SPCMB kaya galit na galit ang opisyales nito nang binulatlat ng AMLC ang mga rekord sa kanilang bank accounts. Kung muling pagaganahin ng mga Binay ang kanilang ‘agimat’ sa hudikatura, posibleng mabigyan sila ng TRO ng SC at mabalewala ang lahat ng rekord na nakuha ng AMLC kaugnay ng  P1.6B na hinihinalang laundered money.

Pero matatalino ang mga mahistrado ng SC kaya matitimbang nila kung wasto bang bigyan ng TRO ang SPCMB o matatasa nilang dapat mabatid ng AMLC at ng sambayanang Pilipino kung totoong maruming pera ang nasa bank accounts ng nasabing law firm.

Hindi naman dapat kabahan ang mga abogadong nasa bupete ng SPCMB kung wala silang laundered money sa kanilang bank accounts. Ang  tsismis nga, kayang-kaya namang kitain ni Rep. Binay ang P1.6B kahit napakabata pa niya para magkamal ng gayong kalaking halaga. Iba talaga ang prinsesa sa kaharian ng Makati. Lahat nagagawa ng kanilang pamilya. May nagbiro pa ngang magsasampa na siya ng panukalang batas para tawaging Binay City ang Makati. O ‘di ba?

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *