Thursday , March 28 2024

Ang Karibal ni Kevin kay Maybelle (Part 3)

00 karibalBATA PA SILA’Y CRUSH NA NI KEVIN SI MAYBELLE, ANAK NG MAY-ARI NG TINDAHANA

“Halika nga, lintek ka!” kaway sa kanya nito, astang galit.

Nabitin ang pagpitik niya sa teks.

“Tawag na ‘ko ng nanay ko,” aniya sa batang lalaking kalaro ng teks,

“Ay, duga! Porke’t nananalo ka, aayaw ka na…” angal nitong tumulo sa ilong ang malapot-lapot at manilaw-nilaw na sipon.

Muntik na niyang masagi sa hangos na pagtakbo ang balikat ng kababatang kalaro. Napakamot na lamang sa ulo sa biglaan niyang pang-iiwan sa harap ng Maybelle Sari-Sari Store sa looban ng komunidad na kapwa nila kinalakhan.

“Puro ka laro… Tatamaan ka na sa ‘kin,” talak sa kanya ng inang nakapamaywang sa pintuan ng kanilang bahay.

Susukot-sukot siyang lumapit kay Aling Edeng. Dumukot agad ng isang beinte pesos na papel at dalawang lilimahing pisong barya sa suot na bulaklaking duster. Iniabot iyon sa kanya. Pinabibili siya ng isang kilong bigas, isang latang sardinas, dalawang pirasong kalamansi at konting toyo. At bilin nito, doon siya bumili sa tindahan ni Mang Ong.

Bahagyang napakunot ang noo ni Kevin. Sa isip niya, bakit laging doon siya inuutusan sa tindahan sa kanto na tatlong bloke ang layo sa kanilang tirahan? Katapat lang kasi ng bahay nila ang tindahan sa silong ng bahay nina Aling Patring na nanay ng crush niyang si Maybelle. Kabatian naman ng nanay niya si Aling Patring, katawanan pa nga ng kanyang ina sa masasayang kwento-kwentohan ng mga magkakapitbahay sa kanilang looban. At sa pagkakaalam niya, walang tsetse-buretseng pinauutang sila ng mga paninda sa tindahan.

Nakapaskel sa harap ng Cely’s Sari-Sari Store: “Bawal ang utang ngayon, bukas pwede na.” Pero litaw ang giligid sa pagkakangiti ni Mang Ong na tumatao roon. Nakita ni Kevin sa pagitan ng mga rehas na bakal ng tindahan ang pagkinang ng mga gintong ngipin nito na may makapal na tartar. (Itutuloy)

 

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *