HATAW! D'yaryo ng Bayan hatawtabloid.com
ni Reggee Bonoan
ANG pagiging babaero at feeling sikat ang dahilan ng paghihiwalay ng magkasintahang male at female TV host.
Kuwento mismo ng mga taong malapit sa dalawa ay hindi mapigilan ni female TV host ang boyfriend niyang male TV host sa pambababae nito na ang katwiran naman ng huli ay ‘they’re all my friends.’
Pero hindi naniniwala ang female TV host dahil nga maraming nagkukuwento sa kanya hanggang sa isang kaibigan niya ang nagpakita ng video na may hinahalikang bar girl ang dyowang male TV host.
At dahil bukelya si male TV host, may I-hingi ng sorry at nakainom lang daw siya at kung ano-ano pang tsika para mapalambot ang galit ng girlfriend na TV host.
Ending, may ibang babae na namang kinalolokohan ang male TV host at nabuking na naman na ang katwiran ay, ”ganoon talaga ‘pag sikat ka, babae na ang lumalapit.”
Nabaliw ang female TV host dahil ganoon pala talaga ang pakiramdam ng boyfriend niyang TV host din na buong akala niya ay sinisiraan lang sa kanya kasi nga maraming may ayaw sa boyfriend niya.
At in passing ay nabanggit pa ng male TV host na hindi kasi niya parating nakakasama ang girlfriend niyang TV host din kaya sumasama siya sa imbitasyon ng ibang non-showbiz girlfriends.
Ang sumunod na tanong sa amin, ”sikat nga ba siya (male TV host) o feeling lang? Kasi pati manager niya, sabi sikat siya ngayon.”
Teka, isipin namin kung ano-anong projects ngayon ng sinasabing sikat na male TV host, wala kaming alam na serye niya, may show siya pero sa cable channel naman napapanood. Hindi rin naman siya regular sa isang variety show na buong mundo ang nakakapanood at higit sa lahat, pawang luma naman na ‘yung mga TVC niya na madalang pa sa patak ng ulan ngayong summer ipinalalabas.
Feeling sikat at feeling guwapo lang si male TV host para sa amin at isa rin sa dahilan kaya hindi siya maka-arangkada sa career niya, nuknukan ng yabang, ‘yun lang!
