Friday , March 29 2024

Para kanino ba sina Deles at Ferrer?

USAPING BAYAN LogoANG kabayanihan ng 44 na miyembro ng Philippine National Police-Special Action Force na pinatay ng Moro Islamic Liberation Front at Bangsamoro Islamic Freedom Fighters sa Mamasapano ay nagmulat sa ating lahat tungkol sa pa-nganib na dala ng Bangsamoro Basic Law sa ating republika.

Dahil sa walang awang pagmasaker ng MILF at BIFF sa mga PNP-SAF commandos noong Enero 25 ay nakilala ng bayan ang tunay na mukha ng mga nasabing grupo na nagbunsod sa mga mambabatas na muling balikan ang kawastuhan ng BBL.

Nabusisi ang naturang panukala at himalang sa pagkakataong ito ay nakita ng mga senador ang mga mali at unconstitutional na probiso ng BBL. Malabo na tuloy na pumasa ang BBL sa kasalukuyang orihinal ngunit mapanganib na anyo. Salamat naman at mukha talagang masi-sinop ang panukalanng batas. Salamat sa inyo mga bayani ng bayan at napigilan ang pagbiyak sa ating republika na pinagbuwisan ng buhay nang marami.

* * *

Kahit anong sabihin nila Aling Teresita Deles at Miriam Coronel Ferrer na walang problema ang BBL at hindi ito makasasama sa ating republika ay hindi nila maitatago ang katotohanan na magkakaroon ng sariling teritoryo, pamahalaan, hudikatura, pulisya, COA, Comelec atbp ang MILF. Hindi lamang ‘yun, ang MILF ay magkakaroon ng eksklusibong kapangyarihan sa mga ibibigay natin sa kanila. Aba katangian na ang mga ito ng isang bagong bansa… kaya pala sub-state ang tawag sa itatayong Bangsamoro. Bago ko malimutan… ayon sa BBL tayo ang magpopondo para maitayo ang maliit na bansa ng MILF sa loob mismo ng ating bansa. Ayon kay Senador Ralph Recto ay aabutin nang mahigit na P500 bilyon ang gagastusin natin para sa Bangsamoro ng MILF. Hmmm buwis natin ‘yun perang ‘yun… perang magagamit sa higit na mas makabuluhang mga bagay na ikauunlad ng ating mga kapatid sa lupang ipinangako at hindi ng MILF lamang. Malinaw na iginigisa tayo sa ating sariling mantika ng MILF at ng mga sabwat nila sa administrasyon ng ating espesyal na Pangulong BS Aquino. Ano masasabwat ‘este masasabi ninyo Aling Deles at Ferrer?

* * *

Bakit nga ba mas mukhang tagapagsalita ng MILF sila Aling Deles at Ferrer kaysa lingkod ng Republika ng Pilipinas? Ay hindi ko maipapaliwanag ‘yan… mabuting sila ang tanungin ninyo mga kababayan ko.

* * *

Kung ibig ninyo nang mahusay, dekalidad at matibay na Barong Tagalog, magsadya kayo sa Casedo’s Gown and Barong Embroidery sa Vanesa Homes, Maytalang 1, Lumban, Laguna. Hanapin ninyo ang mag-asawang Rey at Analie Casedo. Maaari rin kayong tumawag sa 09228705893 / 09165753448 / 09273008338 / 09287005132 / 09228705894 / 09399385189

 

ni Nelson Flores

About hataw tabloid

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *