Friday , March 29 2024

Katigbak at Cuenca, kinilala ang galing sa Ani ng Dangal

ni Roldan Castro

031615 Leo Katigbak Jake Cuenca

NAGWAGI ng kanilang kauna-unahang Ani ng Dangal awards mula sa National Commission for Culture and Arts (NCCA) sina ABS-CBN Film Archives Head na si Leo Katigbak at aktor na si Jake Cuenca kamakailan para sa karangalang ibinigay nila sa bansa nang manalo ang mga ito ng dalawang magkaibang international awards.

Nanalo noong nakaraang taon ang film restoration project ng ABS-CBN, na pinamumunuan ni Katigbak, sa prestihiyosong Gold Quill Awards na ginanap sa Toronto, Canada. Award of Excellence ang ibinigay ng International Association of Business Communicators (IABC) ng naturang proyekto na layuning i-restore at muling ipakilala sa kasalukuyang mga manonood ang mga classic Filipino film tulad ng Himala at Oro Plata Mata at Ganito Kami Noon, Paano Kayo Ngayon. Lubos ang galak ni Katigbak sa pagkilalang ibinigay ng NCCA dahil makatutulong ito sa adbokasiyang kanilang isinusulong.

“Ang parangal na tulad nito ay nagbibigay ng spotlight ‘ika nga sa restoration. Nakatutulong ito upang makalikha ng kamalayan dahil pag-uusapan siya at mas maiintindihan din lalo na ng kabataan na ito pala ‘yung ginagawa sa restoration. Sana magkainteres sila na panoorin ang mga lumang pelikula,” paliwanag ni Katigbak.

Samantala, ginawaran naman si Jake ng Ani ng Dangal matapos siyang magwaging Best Actor sa 2014 International Film Festival Manhattan sa New York para sa kanyang pagganap sa independent film na Mulat.

Sobrang espesyal ng parangal kay Jake kaya naman sa unang pagkakataon ay inimbitahan niya ang kanyang magulang para sumama at panoorin siyang umakyat sa entablado.

“Alay ko sa mga magulang ko ang award na ito. Isa ito sa pinakamalaking parangal na natanggap ko sa buhay ko. Magsisilbi itong dagdag inspirasyon sa akin para mas husayan pa ang pag-arte. Kaya din naman ako nag-aral sa States para mag-improve at para maihandog ito sa mga tao,” sabi ni Jake.

Bukod sa natamong parangal mula sa NCCA at IABC, nanalo na rin ng Philippine Quill Awards 2013 mula sa IABC Philippines at Anvil Awards mula sa Public Relations Society of the Philippines ng film restoration project ng ABS-CBN.

Ang Ani ng Dangal Awards ay inorganisa ng NCCA na may layuning kilalanin ang mga artist na nag-uwi parangal mula sa ibang bansa.

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *