Sex video umano ni Anjanette, ikinaila

ni Ed de Leon

SA kanyang kauna-unahang live TV interview, isa sa issues na tinalakay at ikinaila ni Anjanette Abayari ay ang sinasabing sex video niya noong araw. Ang tsismis noon, nang makita raw ni Anjannette ang sex video, nakilala niyang siya iyon, kung saan iyon, at kung sino ang nag-video, kaya hinimatay siya.

Pero sinabi niya sa interview na may napanood siya, pero hindi siya iyon at wala naman siyang nakitang totoo ang sex video niya. Binalikan pa niya si Lolit Solis ng tanong, “tinanong mo ba si Gabby kung siya iyon?” Dahil ang tsismis nga noon ang kasama ni Anjanette sa nasabing video, bagamat hindi nakita ang mukha ay si Gabby Concepcion.

Noong mapanood namin iyon sa internet, nagtawa na lang kami ng malakas. Kasi ang daming kuwento tungkol diyan noong araw eh, at hindi maikakaila na ang kanyang career at popularidad ay naapektuhan ng tsismis na iyon.

Naging malaking issue rin iyan noong araw, bagamat hindi naman kumalat.