Thursday , March 28 2024

Sarah Lahbati, masuwerteng binigyan ng break ng APT

ni Ed de Leon

020515 Sarah Lahbati

MALAKI ang role ni Sarah Lahbati roon sa pelikulang Liwanag sa Dilim. Hindi mo masasabing siya ang bida sa pelikulang iyan, dahil maging sa publisidad ay ang mga young star na sina Jake Vargas at Bea Binene ang siyang ibinabandera sa publisidad, pero mabuti nagkaroon siya ng ganyang pelikula. Masasabi nga siguro iyan na bale ang kanyang comeback, dahil matagal din naman siyang nawalan ng trabaho matapos na maging at odds noon sa kanilang network, at magbuntis at manganak siya.

Masuwerte na rin iyang si Sarah at nagkaroon pa siya ng ganyang break ulit. Kahit na sabihin mong hindi na nga siya ang bida, at least gumalaw ang kanyang career. Kung iisipin mo mali talaga iyong kanyang pakikipag-away noon sa kanyang network at pagtatago ng isang taon, dahil na rin sa hangad na maikubli muna ang kanyang pagbubuntis at panganganak. Dahil matagal siyang nawala, kung ano man ang inabot na ng kanyang career bilang artista noon ay back to zero.

Ngayon masasabi ngang baka mas masuwerte pa siya kaysa boyfriend niyang si Richard Gutierrez. Dahil sa mga kaguluhan noon at sa sitwasyon nga niya, naisip ni Richard na magbakasyon muna sa kanyang career na mataas na mataas noon, at sinamahan si Sarah. Nawalan din siya ng trabaho ng isang taon dahil sa kanyang desisyon. Hanggang ngayon hindi pa nakababawi si Richard.

Actually, kay Richard kami nanghihinayang eh. Kung hindi siya umalis ng ganoon katagal, hindi magkakaroon ng mga bagong matinee idols, pero dahil sa kanyang self imposed leave, hayun at maraming nakapasok na mga baguhang matinee idols. Nang magbalik siya, nariyan na si Daniel Padilla na siya namang namamayani sa telebisyon na rati ay hawak niya.

Pero ok na iyan, nagkaroon na ng break ulit si Sarah, at siguro this time hindi naman siya mahihirapan dahil ang success ng pelikula nila sa takilya ay hindi nakaatang sa kanya. Kailangan lang mahusay ang maging pag-arte niya.

 

 

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *