ni Roldan Castro
SI Meg Imperial na ba ang ipapalit ni JM De Guzman kay Jessy Mendiola?
Lumalalim na ba ang friendship nila?
Ayon sa aming source, mukhang tuloy ang komunikasyon nila at textsan pagkatapos magsama sa isang show sa Davao noong December.
Noong minsang mabanggit ang name ni JM kay Meg sa isang Christmas party ay parang kinilig din ito. May namamagitan na kaya sa kanila?
Mukhang kay JM mali-link si Meg kompara kay Sam Milby na kasama niya sa pelikulang Ex With Benefits with Coleen Garcia. Mas napag-uusapan na challenging ang role niya sa pelikula at mas mature na talaga kaysa ma-involve siya kay Sam. Bagong performance raw ang makikita sa kanya sa movie.
Wala pang regular show ngayon si Meg sa ABS-CBN 2 pagkatapos ng Moon Of Desire pero madalas ang guestings niya ngayon gaya sa Singing Bee at kamakailan ay naging judge siya sa grand finals ng PINAsikat sa It’s Showtime.