Angelica, nagpaparamdam na raw na gusto nang magpakasal; Lloydie, deadma lang

ni ROMMEL PLACENTE

NAIINGGIT pala si Angelica Panganiban sa kanyang kaibigang si John Prats dahil engaged na ito at malapit nang ikasal kay Isabel Oli. Gusto na rin niyang maging engage sila ng boyfriend niyang si John Lloyd Cruz.

Natatawa niyang ikinuwento sa interview niya sa Aquino & Abunda Tonight, na minsan daw ay nagpapapansin siya kay Lloydie. Sinusukat daw niya ang singsing ng pinsan nito at sinasabi niya rito na magkasukat sila. Ipinaririnig niya raw talaga ‘yun kay Lloydie, pero deadma lang daw ito na parang walang narinig.

Well, malay ni Angelica, baka sorpresahin na lang siya bigla ni Lloydie at bigla itong mag-propose sa kanya. Abangan niya na lang ‘yun at tiyak mangyayari rin naman ‘yun. Mahal na mahal naman siya ni Lloydie kaya siguradong pakakasalan siya nito. Sana nga, ‘di ba?

Kung mangyayari ‘yun, siguradong magiging masayang-masaya ang aktres dahil halata naman sa kanya na si Lloydie na ang gusto niyang makatuluyan base na rin sa interview niya sa show nina Kris Aquino at Boy Abunda.