NAKALUSOT sa karit ni kamatayan ang isang mambabatas habang apat sa mga kasama niya ang napatay makaraan tambangan sa Misamis Oriental kahapon.
Sa panayam kay City Lone District Rep. Vicente “Varf” Belmonte Jr., kinompirma niya na inambus sila ngunit siya ay nagalusan habang ang dalawang bodyguard at dalawang driver niya ay pawang napatay.
Ayon sa mambabatas, lumapag sila sa Laguindingan Airport dakong 1:30 p.m.
Palabas na sila sa airport nang ratratin ng ‘di nakilalang mga suspek sakay ng isang van.
Duda ng mambabatas “politically motivated” ang pananambang sa kanya at sinabing bago ang insidente, nakatanggap siya ng death threats.
Sa panayam kay House Speaker Belmonte, hindi aniya tinamaan ng bala ang mambabatas sa nasabing insidente.
Jethro Sinocruz