Tuesday , December 11 2018
Breaking News
You are here: Home / Sports / RoS vs Meralco sa Davao City

RoS vs Meralco sa Davao City

080914 PBA

UMAASA si coach Joseller “Yeng” Guiao na magpapatuloy ang pag-akyat ng Rain or Shine sa standings sa kanilang salpukan ng Meralco Bolts sa PBA Philippine Cup mamayang 5 pm sa University of Southeastern Philippines gym sa Davao City.

Matapos na mapahiya kontra Talk N Text at matambakan, 99-76, nagbanta si Guiao na magsisimulang mag-trade ng mga manlalaro ang Rain or Shine kung hindi pa gaganda ang kanilang laro.

READ MORE:  Isang bayan para kay PacMan (ABS-CBN Naglunsad)

Dahil dito ay nagising ang Elasto Painters at nagposte ng back-to-back na panalo kontra sa Barako Bull (98-71) at Globalport (86-83) upang umangat sa 4-2.

Sa kabilang dako, ang Meralco, ay galing sa 80-72 pagkatalo sa Talk N Text at bumagsak sa 3-2.

Nagbida sa magkasunod na panalo ng Elasto Painters ang shooter na si Jeff Chan, miyembro ng Philippine team na pumampito sa basketball competition ng nakaraang Asian Games.

READ MORE:  Floyd Sr. ‘di nasisindak sa bilis ni Pacman

Laban sa Barako Bul kung saan nagtala siya ng 23 puntos. Gumawa siya ng 16 laban sa Globalport.

Bukod kay Chan, si Guiao ay sumasandig din kina Gabe Norwood, Beau Belga, JR Quinahan at Paul Lee.

Ang Meralco, na ngayon ay hawak ni coach Norman Black, ay pinamumunuan din ng mga Asian Gamers na sina Gary David at Jared Dilinger na sinusuportahan nina Cliff Hodge, Reynell Hugnatan at Mike Cortez.

READ MORE:  Caligdong bagong football coach ng Altas

Balik sa Araneta Coliseum sa Quezon City ang mga laro bukas kung saan makakasama na ng Barako Bull si Dorian Pena sa salpukan nila ng Kia Sorento sa ganap na 3 pm. Ito ay susundan ng 5:15 pm duwelo ng San Miguel Beer at Barangay Ginebra.

 

ni SABRINA PASCUA

COMMENTS

About hataw tabloid

Scroll To Top
 

Copyright hatawtabloid.com | All Rights Reserved