13-anyos utas sa 12-anyos bully

NAGA CITY – Patay ang isang menor de edad dahil sa pambu-bully ng kanyang kamag-aral sa Tinambac, Camarines Sur.

Kinilala ang biktimang si John Mark Terelios, 13-anyos.

Ayon kay Insp. Gregorio Bascuña, nagsimula ang alitan ng biktima at ng 12-anyos kaklase na kinilala sa pangalang “Timmy” sa loob ng kanilang paaralan sa Tierra Nevada Elementary School.

Aksidenteng natamaan ng bato ni Terelios si “Timmy” na ikinagalit ng suspek.

Dito na nagsimulang magtalo ang dalawa at nang makalabas sa eskwela ay nagsuntukan.

Pauwi na sana ang biktima ngunit habang naglalakad sa daan ay bigla na lamang siyang natumba at hinimatay.

Pinaniniwalaang nagkaroon nang seryosong pinsala sa kanyang katawan ang biktima dahil sa pakikipagsuntukan kaya kahit naitakbo sa ospital ay idineklarang dead on rrival.

Kaugnay nito, ikinokonsidera ng PNP na isang uri ng bullying ang insidente.

Hiling ngayon ng pamilya ng biktima sa pamilya ng suspek na matulungan sila sa mga gastusin sa pagpapalibing sa menor de edad.