Retired coast guard nag-suicide

BINAWIAN ng buhay ang isang 66-anyos retiradong miyembro ng coast guard makaraan magbaril sa dibdib sa loob ng kanilang bahay sa Maragondon, Cavite kahapon ng umaga.

Kinilala ang biktimang si Elpidio Gulapa, residente ng Capt. A. Bonifacio St., Caingin, Maragondon, Cavite.

Ayon kay Ester Piedad, 76, inutusan siya ng biktima na kunin ang cal. 38 revolver sa kanilang kwarto at pagkaraan ay inutusan siyang kumuha ng bala.

Ngunit pagpasok niya sa silid, narinig na lang ang isang putok ng baril kaya agad lumabas at nakita ang duguang si Gulapa na may tama ng bala sa dibdib.

May sakit ang biktima na pinaniniwalaang nagtulak sa kaya para magpakamatay.

Beth Julian