Thursday , March 28 2024

Addicted To Love (Part 19)

00 addicted logo

“Ke aga-agang magpaputok ng mga damuho!” pagbubusa ng matandang babae. “A-dose pa lang ngayon ang petsa, a!”

Pagkarinig ni Jobert sa petsa ay parang may kumuriring sa kanyang utak.

“D-December twelve po ba ngayon, ‘La?” aniya sa pagbaling sa matandang babae.

“Oo… Labing-tatlong tulog pa bago Pasko,” aniya sa pagtango.

Disyembre 12 ang araw ng pagpapakasal ni Jobert kay Loi. Pero noong isang taon pa iyon. Nalito ang kanyang isipan. Pagsilip niya sa loob ng simbahan ay lalo siyang nagulumihanan. Maringal itong nagagayakan ng mga puting lasong napapalamutian ng mga bulaklak ng rosas. May babae at lalaking nakaluhod sa harap ng altar. At naroroon ang paring nagkakasal sa dalawa.

Tamang hinala ang naghari sa kukote ni Jobert. Sa isip niya, pakakasal si Loi sa ibang lalaki. Namalik-mata tuloy siya. Sa tingin niya ay si Loi ang pagkaganda-gandang bride na makikipag-isang-dibdib sa lalaking nakaluhod din sa tabi nito. Parang sasabog ang dibdib niya sa matinding galit at pagseselos. At umalingawngaw sa paligid ng labas ng simbahan ang pasigaw -pagmumura.

Naghanap siya ng pinakamalapit na tindahan na nagbebenta ng mga paputok. Nakakita naman agad siya sa di-kalayuan. Bumili siya ng “Sinturon ni Hudas” at kwitis. Iba ang naging trip niya sa pag-aalimpuyo ng galit sa kanyang dibdib.

Sinindihan niya ang mitsa ng Sinturon ni Hudas. Inihagis iyon sa pintuan ng simbahan. Sunod-sunod na sumabog ang mga paputok. Nakatutulig iyon. At sumasapaw doon ang matutunog na halakhak ni Jobert nang matanaw niya sa loob ng simbahan ang pagkakagulo sa pagkagulat ng lahat ng naroroon. At sinundan pa niya iyon nang pagsisindi sa tatlong kwitis na sumagitsit at pumutok malapit mismo sa altar.

(Itutuloy)

 

ni Rey Atalia

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *