RR, inihian ang bantayog ni MacArthur

ALIW na aliw kami sa panonood ng The Amazing Race Philippines ng ilipat ng kasama namin sa bahay dahil naabutan namin ang episode na naihi si RR Enriquez sa bantayog ni MacArthur maski na hindi ipinakita sa camera.

Sa episode noong Miyerkoles, ang Team Sexy Besties na sina RR at Jeck Maierhofer ay hinahanap ang bantayog ni MacArthur na siyang featured challenge at ‘di mapigilan ni RR na maihi dulot na rin siguro ng halong pressure, pagod, at kaba.

“Inihian mo si MacArthur!” tanong ng teammate niyang si Jeck at ang ipinakita ay paano nakaraos si RR.

Base naman sa tweet ng sexy star noong Miyerkoles ay inamin ni RR na umihi siya sa mga talahiban malapit sa bantayog ni MacArthur.

Pinagbantaan niya raw ang cameraman na huwag kukunan ang nasabing “pagpaparaos” kundi ay sasapakin niya ito.

At biruan nga raw ng cameramen ay buti walang higad sa talahiban dahil ‘pag nagkataon, maeeskandalo si RR.

Reggee Bonoan