‘Rantso’ inireklamo inmates pinatahimik ng tear gas

GENERAL SANTOS CITY – Hinagisan ng tear-gas ng mga tauhan ng Bureau of Jail Management and Penology (BJMP) ang mga bilanggo ng Lanton City Jail nang magwelga dahil sa hindi patas na pagbibigay ng rasyon ng pagkain.

Ayon sa isang nagpakilalang si Melissa, kapatid ng isang preso, sinabi sa kanya ng kapatid na hindi maayos at ‘biased’ ang pamimigay ng pagkain sa inmates.

Aniya, madalas nakatitikim nang masarap na ulam ang mga preso sa ibang selda ‘di tulad sa nakababatang kapatid at iba pang mga kasamahan sa selda na binibigyan lamang ng napakakonti at paulit-ulit na klase ng ulam sa loob ng isang araw.