Friday , March 29 2024

Abaya desperado sa Mrt shutdown

101114_FRONT

ITINURING ng Riles Network na isang “desperate move” ni Transportation and Sec. Jun Abaya ang planong pansamantalang ipahinto ang operasyon ng Metro Rail Transit (MRT).

Ayon kay Riles Network Spokesperson Sammy Malunes, hindi naiiba sa transport strike ang nais ikasa ni Abaya dahil mahigit 500,000 commuters ang mawawalan ng pampublikong sasakyan.

“First time na mangyayari [ito] sa kasaysayan ng railway system sa bansa,” pahayag ni Malunes.

Hindi maintindihan ni Malunes, na dati nang nagtrabaho sa railway, kung bakit hindi naging sapat sa MRT ang taunang maintenance tuwing holy week gayong epektibo ito sa Light Rail Transit (LRT).

Para sa grupo, ipinakikita rito ang gross negligence ni Abaya sa tungkulin bilang hepe ng DOTC.

Muling giit ni Malunes, “Nananawagan ako na mag-resign na si Abaya. Wala siyang kapasidad na manungkulan bilang DOTC [secretary] dahil sa loob ng kanyang panunungkulan from bad to worse ang sitwasyon ng traffic sa Metro Manila including LRT 1, 2 at MRT.”

HATAW News Team

Sa MRT fare hike

GO SIGNAL NI PNOY HINIHINTAY

WALA pang go signal si Pangulong Benigno Aquino III para itaas ang pasahe sa Metro Rail Transit (MRT).

“We have no discussions on that yet. Wala pang final answer, kumbaga, ang Pangulo diyan,” ayon kay Deputy Presidential Spokesperson Abigail Valte.

Kasabay nito’y hihintayin pa aniya ng Palasyo ang rekomendasyon mula kay Transportation Secretary Joseph Emilio Abaya hinggil sa planong pag-shutdown sa MRT habang inaayos ang mga problema rito na nagdudulot ng halos araw-araw na perhuwisyo sa mga pasahero.

“We will wait for an actual recommendation from Secretary Abaya to be discussed with the President, because that certainly has implications, especially on our riding public. We would rather wait for a formal recommendation from them before—so the President can take a look at it,” aniya.

Matatandaan, sa kanyang 2013 State of the Nation Address (SONA), inihayag ng Pangulo na kailangang ipatupad ang fare hike sa MRT at LRT dahil makatuwiran na bigyan ng subsidiya ng gobyerno ang mass transport system na ang mga taga-Metro Manila lang ang nakikinabang.

(ROSE NOVENARIO)

.5-M PASAHERO APEKTADO

MAHIGIT kalahating milyong pasahero ng Metro Rail Transit (MRT) ang maaapektuhan sakaling ituloy ang pansamantalang tigil-operasyon para makumpuni ang mga tren.

Una rito, sinabi ng dating chairman ng MRT na si Engr. Rene Santiago, nasa 500,000 kada araw ang sumasakay sa tren, halos doble ng 350,000 pasaherong kapasidad nito.

Ayon sa Department of Transportation and Communications (DoTC), hindi nila inaalis ang posibilidad ng shutdown lalo’t inirekomenda na ito sa kanila ng mga eksperto.

Gayonman, wala pang schedule ang pansamantalang tigil-operasyon ng tren dahil kailangan muna nilang paghandaan ang gagamiting spare parts.

 

 

 

 

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *