HATAW! D'yaryo ng Bayan hatawtabloid.com
SA ibang lungsod, napakataas ng pagpapahalaga sa kanilang mga senior citizen, eleksiyon man o hindi.
Sa katunayan, mayroon ilang super-buraot na politiko na grabe ang kagaspangan ng ugali pero kapag nakaharap sa senior citizen ‘e nagmumukhang anghel sa kabaitan.
Pero itong isang konsehal ni Valenzuela Mayor Rex Gatchalian ay walang habas daw kung mambastos ng senior citizen. Parang walang magulang!?
Aba’y mantakin ninyong pumunta pa sa microphone para lang sigawan at ipahiya ang isang lola.
Nangyari umano ito nitong nakaraang Lunes sa session hall habang idinaraos ang Elders’ Week.
Noong una ay nakikipagkwentohan pa ‘yung Konsehal sa mga senior citizen, mga estudyante, ilang pulis at iba pang konsehal.
E bigla yatang nakapagkomentaryo ‘yung lola ng: “Hala yari kayo!”
Sukat ba namang sinigawan ‘yung matanda at hindi pa nakontento, humawak pa ng microphone para sigaw-sigawan ‘yung senior citizen.
Inawat na ng mga kapwa-konsehal dahil ang dami ngang nakatingin at naeeskandalo na sila pero sige pa rin ‘yung arogante at bastos na konsehal.
Aba, Valenzuela Councilor, maghinay-hinay ka.
Tuwing kampanya at eleksiyon ‘e pagkabait-bait ninyo sa mga botante. Kulang na lang e himurin ninyo ang p’wet ng constituents ninyo, pero kapag nakaupo na kayo daig pa ninyo ang mga diyos-diyosan.
Konsehal Marlon Alejandrino, ikaw ba ang nakatalaga para sa mga senior citizen ng Valenzuela? Imbestigahan mo nga ‘yang insidente na ‘yan!
By the way, ipinagmamalaki umano ng bastos na konsehal ang showbiz scribe na si Cristy Fermin kaya wala raw siyang kinatatakutan.
What the fact!?
E ano ngayon kung kaibigan mo ‘yan!?
Nagyabang pa na kahit huwag na raw siyang iboto sa susunod na eleksiyon.
O narinig mo ba ‘yun Konsehal Marlon Alejandrino?!
Kastigohin mo ang palalong konsehal ng Valenzuela City!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
