Wednesday , December 12 2018
Breaking News
You are here: Home / News / Ordanes nanumpa na bilang halal na alkalde ng Aliaga, Nueva Ecija

Ordanes nanumpa na bilang halal na alkalde ng Aliaga, Nueva Ecija

091914 ordanes aliaga nueva ecija

NANUMPA si Reynaldo Ordanes kay Judge Jose Paneda ng Komisyon ng Serbisyo Sibil bilang nagwaging alkalde ng Aliaga, Nueva Ecja sa Quezon City kamakalawa.

NANUMPA na sa tungkulin bilang tunay na halal na alkalde sa Aliaga, Nueva Ecija si Reynaldo M. Ordanes matapos iutos ng Cabanatuan City Regional Trial Court Branch 30 ang writ of execution sa kanyang pagwawagi sa halalan noong Mayo 13, 2013.

READ MORE:  2 patay, 11 sugatan sa gumuhong condo sa Taguig

Sa panunumpa kay Judge Jose Paneda ng Komisyon ng Serbisyo Sibil, opisyal nang alkalde ng Aliaga si Ordanes matapos mapatunayan ng Cabanatuan RTC Branch 30 at Commission on Elections na siya ang nagwagi ng 11 boto laban kay Elizabeth R. Vargas.

Nagwagi sa protesta si Ordanes laban kay Vargas noong Mayo 28, 2014 pero nabalam ang proklamasyon matapos mag-isyu ng temporary restraining order (TRO) ang Comelec pero napaso ito matapos ang 60 araw kaya nag-isyu na ng Writ of Execution Pending Appeal si Judge Virgilio Caballero ng Cabanatuan City RTC Branch 30.

READ MORE:  Lola, 3 drug user tiklo sa buy-bust

“Taimtim akong sumumpa na gagampanan ko nang buong husay at katapatan sa abot ng aking kakayahan ang tungkulin bilang alkalde ng Aliaga,” sabi ni Ordanes. “Nangako akong laging ipagtatanggol ang Saligang Batas ng ating bansa at umasa ng wastong pagbabago at kaunlaran ang aking mga kababayan.”

READ MORE:  Matobato kinasuhan ng kidnapping

Iniutos ni Caballero kay Cabanatuan City RTC Branch 30 Sheriff Victoria Roque na magpatulong sa Nueva Ecija Provincial Director gayundin sa hepe ng Department of Interior and Local Government sa lalawigan na agad ipatupad ang writ of execution para sa maayos na pag-upo ni Ordanes bilang tunay na halal na alkalde ng Aliaga. (HNT)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved