HATAW! D'yaryo ng Bayan hatawtabloid.com
IPINADALA na sa opisina ng PBA ang mga dokumento tungkol sa three-way trade na isinara ng North Luzon Expressway, Meralco at Blackwater Sports.
Sa ilalim ng trade deal, sina Sean Anthony at Simon Atkins ay unang itinapon ng Road Warriors sa Elite kapalit nina rookie Juneric Baloria at tig-isang second round draft pick sa 2016 at 2017.
Pagkatapos ay ite-trade ng Blackwater sina Anthony at Atkins sa Bolts kapalit naman nina Sunday Salvacion at Jason Ballesteros.
Naunang sinabi ng consultant ng NLEX na si Allan Gregorio na matagal na nilang planong i-trade si Anthony at naghanap lang ito ng tamang conduit para matuloy ito.
Sa panig ng Blackwater, tutulong sina Salvacion at Ballesteros dahil umayaw si Danny Ildefonso sa dalawang taong kontratang inalok ng Elite dahil sa tingin niya ay sobrang baba ng suweldong matatanggap niya rito.
(James Ty III)
